(( العيون الساهره ))

سهرتك ليل ياجعل العيون الساهره تفـــداك

وعشـتك حلم يا ابها شروق يعطر انفاســي

* * *

وحلمت انك معي سـهران ونتسامر انا ويــــاك

وان اذراعي تحت راسك , اوأذراعك تحت راسي

* * *

المهم ان الجفا ماكان ,وكل شئٍٍ ٍ بداله جاك

حلمت اني انا وياك بجزيره مابها اوناســي

* * *

بنينا بيتنا من طين وطبعت بـ مدخله يمنــــاك

وتحت كفك كتبت احـلا قصايد صاغهااحسـاسي

* * *

زرعت أزهور بطراف الطريق اللي تجيه اخطاك

وفرشته رمل ناعم لاتلامـس رجلك القاســــي

* * *

خيال ويا حسـافه ليتنا واقع نعيش هنــــاك

وتكـون بهالجزيره انت ناسـي وانت جلاســـي

* * *

فديتك يا شـــــرود الذهن والتفكيــــر والادراك

فديتك يا مناي ويا غناتـي وقمة افلاســـــــــي

* * *

يضيق الكـون فيـني لازعلت واحتـرق لأرضـاك

يأنبني الضميـر وينطحـن كل حـب ٍ براســـــي

* * *

حبيبي خلك ملازم خيالي , ولا تغيب انســاك

اخـاف بغفلةٍ مني تضيـع بمـوج هوجاســـــي

* * *

ابيك لصوتـي النبره نغم يعزف لحن فرقــاك

ابي اعيشك بكل لحظه,وأبي اتنفسك بأنفاسي

وســـلامتكم